سمینارونه

په هلمند پوهنتون کي د پروګرام د علمي ارزوني ( Academic Program Review) معلوماتي ورکشاپ دایرسو .

نیټه ۲۱/۱۱/۱۳۹۷

د هلمند پوهنتون د کیفیت دلوړاوي امریت له لوري د یاد پوهنتون استادانو ،اداري کارکوونکو او په هلمند ولایت کي د شته ټولو خصوصي پوهنتونو استازو ته د پروګرام د علمي ارزوني ترعنوان لاندي یو ورځنی ورکشاپ دایرکړل سو،په یاد ورکشاپ کي د ګډونوالو سره د کلني او دوره ئي ارزوني په اړه مفصل معلومات شریک سول، د پروګرام په پای کي د هلمند پوهنتون د علمي مرستیال له لوري سپارښتنه وسول چه ټولي څانګي دي د یادي ارزوني لپاره چاري راشروع کړي.د یادولو ده چه نوموړي ارزونه لا له وړاندي د هلمند پوهنتون په یو شمیرڅانګو کي په نمونه ئي ډول تر سره سویده.

د هلمند پوهنتون د مسلکي پرمختيا مرکز دفتر له لوري، د لوړو زده کړو محترم وزارت د قانون  په اړه د ښه اګاهۍ او پوهاوي په موخه يو ورځنی سمينار دائر سو

په نوموړي سمينار کي د مسلکي پرمختيا مرکز دفتر د مسؤل (پوهنيار غلام عمرعبدالله) له لوري، د سمينار ګډون والو ته د لوړو زده کړو محترم وزارت د قانون د ټولو مادو او فقرو اړوند لازم وضاحت او پوهاوی ور کول شو